سرفراز احمد اور عماد وسیم کو ون ڈے ورلڈ کپ اسکواڈ میں شامل کرنے کی تجویز مسترد ہونے کے بعد محمد حفیظ نے پی سی بی کی ٹیکنیکل کمیٹی سے علیحدگی کا اعلان کیا ہے۔

حفیظ نے یہ فیصلہ اس وقت کیا جب سرفراز احمد اور عماد وسیم کو ورلڈ کپ سکواڈ میں شامل کرنے کی ان کی تجویز مسترد کر دی گئی۔ 

پی سی بی ٹیکنیکل کمیٹی کے ساتھ اپنے دور کے اختتام کے موقع پر اپنے بیان میں محمد حفیظ نے چیئرمین پی سی بی ذکا اشرف کا شکریہ ادا کیا۔ انہوں نے پاکستان کرکٹ کی ترقی کے لیے نیک خواہشات کا اظہار بھی کیا۔ “میں نے پاکستان کرکٹ ٹیکنیکل کمیٹی سے مستعفی ہونے کا فیصلہ کیا ہے۔ 

میں نے ایک اعزازی رکن کے طور پر خدمات انجام دیں۔ میں ذکاء اشرف صاحب کا شکریہ ادا کرنا چاہوں گا کہ انہوں نے مجھے یہ موقع دیا۔ جب بھی ذکاء اشرف صاحب کو پاکستان کرکٹ کے لیے میری دیانتدارانہ تجاویز کی ضرورت ہوگی میں ہمیشہ دستیاب رہوں گا۔ 

پاکستان کے لیے میری نیک خواہشات…‘‘ حفیظ نے ایک ٹویٹ میں لکھا۔ اگرچہ حفیظ کی سفارش کے باوجود سرفراز احمد اور عماد وسیم کو ورلڈ کپ اسکواڈ میں شامل کیے جانے کا امکان نہیں ہے، تاہم رپورٹس بتاتی ہیں کہ محمد حارث اور زمان خان کو اس باوقار ٹورنامنٹ کے لیے ریزرو کے طور پر نامزد کیا جائے گا۔ مزید برآں، توقع ہے کہ حسن علی نسیم شاہ کی جگہ لیں گے، جو کندھے کی شدید انجری کا شکار تھے، جس کے باعث وہ ممکنہ طور پر ورلڈ کپ سے باہر ہو سکتے ہیں۔ اگرچہ ون ڈے ورلڈ کپ 2023 کے لیے پاکستان کے اسکواڈ میں اہم تبدیلیوں کی توقع نہیں کی جا سکتی ہے، لیکن شائقین سرکاری اعلان کا بے صبری سے انتظار کر رہے ہیں۔